Қырғыз-тәжік шекарасында Торт-Кочо деген жерде атыс басталды. Алдын ала мәліметтер бойынша, оқ атуды тәжік әскери қызметшілері ашты.
Бұған жауап ретінде қырғыз шекарашылары да оқ жаудырды.
Қырғыз-тәжік шекарасындағы жағдай шиеленіскен жағдай ретінде сипатталады. Бұл туралы Ппезиденттің Баткендегі өкілетті өкілдігінің баспасөз қызметі хабарлады.
Олардың айтуынша, жергілікті шенеуніктер жағдайды сол жерде бақылап отыр.
«Бүгін сағат 18.00-де Тәжікстанның шекара қызметі Торт-Кочо елді мекеніндегі Баткен-Исфан жолын біржақты жауып тастады» деп хабарлады ведомствоның баспасөз қызметі.
Қырғыз Республикасының ҰҚК шекара қызметі күшейтілген қызмет түріне ауыстырылды.
«Шекара қызметі жағдайды қадағалап, ушығудың алдын алу үшін барлық шараларды қолданады» деп атап өтті өкілетті өкіл.
Естеріңізге сала кетейік, бүгін сағат 18.15-те Тәжікстан ҰҚК шекара қызметінің шекарашылары Баткен ауданының Торт-Кочо елді мекеніндегі Баткен-Исфан жолының учаскесін біржақты тәртіппен жауып тастады.
Оқиға орнына Баткен шекара жасағының бастығы полковник Рустам Миршакиров пен шекара қызметі басқармасының бастығы полковник Қыдырбек Төлонбаев шықты. Шекараның осы учаскесінде Баткен облысында орналасқан шекара бөлімшелері күшейтілген қызмет көрсету режиміне ауыстырылды.
Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.