Жаңалықтар 03.02.2022 сағат 10:20

Бас прокуратура Азамат Батырбаевты азаптау дерегіне қатысты мәлімдеме жасады

Әлеуметтік желіде Азамат Батырбаев есімді азаматтың тергеу изоляторында азапталғаннан кейінгі жағдайы туралы жантүршігерлік фотосуреттер жарияланған.
Бас прокуратура Азамат Батырбаевты азаптау дерегіне қатысты мәлімдеме жасады
centralasian.org
Бөлісу
Бөлісу
Бөлісу

Қаңтар оқиғасына қатысты деген айыппен Талдықорғанда ұсталған соң құқық қорғау қызметкерлерінің қолынан азапталып, «денесі үтікпен күйдірілген» делінген 38 жастағы Азамат Батырбаевқа қатысты Бас прокуратура мәлімдеме жасады, деп хабарлайды Azattyq Rýhy.  

Әлеуметтік желіде Азамат Батырбаев есімді азаматтың тергеу изоляторында азапталғаннан кейінгі жағдайы туралы жантүршігерлік фотосуреттер жарияланған. Адвокат Бауыржан Азановтың айтуынша, Азамат Батырбаевқа «жаппай тәртіпсіздік» бабы (272-бап 2-бөлім) бойынша айып тағылған. Ол айыппен келіспеген.

Аталған фактіге қатысты Бас прокуратура мәлімдеме жасап, қазіргі уақытта қылмыстық іс қозғалғанын хабарлады.

«Әлеуметтік желілерде полиция қызметкерлерінің А.Б. Батырбаевты ұрып-соғу фактісі туралы ақпарат тарап жатыр.

Аталған тұлға Талдықорған қаласында болған тәртіпсіздіктер кезінде құқық қорғау органдары қызметкерлеріне шабуыл жасағаны үшін 2022 жылғы 22 қаңтарында ұсталғанын хабарлаймыз. Ал 23 қаңтарда жауап алу кезінде, ол 10 қаңтарда ішкі істер органдарының қызметкерлері оған дене жарақатын келтіргені туралы айтқан.

А. Батырбаевтың бұл арызының негізінде Алматы облысының сыбайлас жемқорлыққа қарсы қызметімен азаптау фактісі бойынша қылмыстық іс қозғалған. Қазіргі уақытта тергеу амалдары жүргізілуде» - делінген хабарламада.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар