Жаңалықтар 12.02.2022 сағат 06:31

Леңгір тұрғыны 75 миллион теңге қарыз алып құмар ойынға тіккен

Ол өз сөзінде қарызға алған ақшаларын қайтара алмағандықтан, Алматы қаласына қашып кетуге мәжбүр болғанын жеткізді.
Леңгір тұрғыны 75 миллион теңге қарыз алып құмар ойынға тіккен
Фото: ашық дереккөз
Бөлісу
Бөлісу
Бөлісу

Төле би АПБ-ға Леңгір қаласының тұрғыны арызданды. Оның айтуынша 30 жастағы ұлы үйінен  белгісіз бағытқа шығып, қайта оралмаған. Сондай-ақ анасының өз баласын іздеп жүргеніне төрт тәулік болған. Алайда іздеу жұмыстарынан нәтиже шықпаған соң, полицейлерге хабарласқан, - деп хабарлайды polisia.kz

Төле би АПБ қызметкерлері хабарлама түсе салысымен тез арада әрекет етіп, оқиға орнына жетті. Жоғалған ер-азаматты табу мақсатында қажетті деп танылған барлық жедел-іздестіру жұмыстарын жоспарлы түрде жүргізді. Қала көшелерін тексеріп, фотосуретін көрсету арқылы тұрғындар арасында сұрастыру жұмыстарын жасады.

Республика көлемінде тәртіп сақшыларына бағыттамалар жолданып, жоғалған жігіттің айрықша белгілері хабарланды. Жақындары мен туыстары, таныстары мен баруы мүмкін жерлер мұқият тексерілді. Іздеу жұмыстарына Жергілікті полиция қызметінің учаскелік полиция, жедел уәкілдер мен патрульдік полицейлер жұмылдырылды.

Осылайша, іздеу жұмыстарына бір апта уақыт жұмсалды. Нәтижесінде, Түркістан полицейлері жоғалған жігітті Алматы қаласында жүрген жерінен тапты.

Белгілі болғандай, табылған жігіт өзінің таныстарынан 75 миллион теңге қарызға ақша алып, оны құмар ойынға жұмсап жіберген. Ол өз сөзінде қарызға алған ақшаларын қайтара алмағандықтан, Алматы қаласына қашып кетуге мәжбүр болғанын жеткізді.  

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар