Бейжің олимпиадасы: үш шорт-трекші ширек шиналға өтті

Шорт-тректен Қазақстанның ерлер командасы 500 метрге жарысудан Олимпиаданың іріктеу айналымына қатысты, деп хабарлайды Olympic.kz. 

Бұл бәсекеде Қазақстан намысын Денис Никиша, Әділ Ғалиахметов және Абзал Әжіғалиев қорғаған болатын. Іріктеу қорытындысы бойынша үш спортшы да ширек финалға жолдама алды. 

Ғалиахметов өз тобында екінші орынға табан тіресе, Никиша мен Әжіғалиев бірінші орыннан көрінді. Осылайша, қазақстандық спортшылар автоматты түрде келесі кезеңге өтті. 

Айта кетелік, ширек финал, жартылай финал және финалдық кезеңдер 13 ақпанға жоспарланған. 

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.