Бразилиядағы су тасқынынан 150-ден астам адам қаза тапты

Бразилия президенті Жаир Болсонаро зардап шеккендерге, сондай-ақ қала билігіне қолайсыз ауа райының салдарын жоюға, оның ішінде әскерилерді тарта отырып, көмек көрсетуді тапсырды.

Бразилияның Петрополис қаласында толассыз жауған жаңбырдан қаза тапқандар саны 152-ге жетті, қаза тапқандар арасында кәмелетке толмаған 27 бала бар, деп хабарлайды «Известия».

Соңғы мәліметтер бойынша 165 тұрғын із-түзсіз жоғалғандар тізімінде, тағы 967-сі баспанасынан айрылған.

Іздеу операциясы барысында 500 құтқарушы, 200 полиция қызметкері, сондай-ақ әскерилер мен еріктілер жұмыс істейді.

Бразилия президенті Жаир Болсонаро зардап шеккендерге, сондай-ақ қала билігіне қолайсыз ауа-райының салдарын жоюға, оның ішінде әскерилерді тарта отырып, көмек көрсетуді тапсырды. Ол бұл үшін шамамен 430 миллион доллар бөлуге уәде берді.

Рио-де-Жанейро губернаторы Клаудио Кастро бұл 1932 жылдан бергі ең қатты жаңбыр болғанын айтты. Ол бұл трагедияны «тарихи» деп атады.

Петрополисте барлығы 170-тен астам көшкін тіркелді, 80 тұрғын үй зақымданған немесе қираған.

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.