$ 448.15  483.46  4.86

Ақтөбеде жанармай құю бекетінде жарылыс болды

ТЖ орнында Ақтөбе облысы ТЖД 136 адам және 16 бірлік техника күштері мен құралдары, сондай-ақ ЖАО 2 бірлік техникасы жұмыс істеп жатыр.
Фото: ашық дереккөз
Фото: ашық дереккөз

Ақтөбеде жанармай құю бекетінде жарылыс болды, - деп хабарлайды Төтенше жағдайлар министрлігі.

Ведомствоның мәліметінше, оқиға туралы кезекші қызметке 22 ақпанда Нұр-Сұлтан уақытымен таңғы сағат 4:11-де хабарланған.

"Кезекші қызмет пультіне Ақтөбе қаласы, Алматы ауданы, Смағұлова №15 мекенжайындағы "Альтаир" жанармай құю станциясында жарылыс болғаны туралы хабарлама келіп түсті. Оқиға орнына Ақтөбе қаласының өрт сөндірушілері мен құтқарушылары дереу жіберілді", - делінген хабарламада.

Өрт сөндіру қызметінің қызметкерлері оқиға орнына келгенде "Альтаир" техникалық қызмет көрсету станциясында газ-ауа қоспасының жарылғаны анықталды, нәтижесінде 600 шаршы метр алаңда ғимараттың құлауы мен ТҚКС ішінде және жанында тұрған 11 автокөлік зақымданған. Алдын ала ақпарат бойынша жарылыс автокөлік газ-баллон жабдығынан шыққан газ-ауа қоспасының жиналуы нәтижесінде болған.

ТЖ орнында Ақтөбе облысы ТЖД 136 адам және 16 бірлік техника күштері мен құралдары, сондай-ақ ЖАО 2 бірлік техникасы жұмыс істеп жатыр.

Жарылыстан мекемеде күзетші болып жұмыс істейтін азамат зардап шегіп, оқиға орнында қаза тапқан. Жүргізілген іздеу жұмыстары нәтижесінде үйіндінің астынан күзетшінің өлі денесі табылды.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары