Қайрат Нұртас Алматыда өтетін концертіне билеттерді өзі сатпақ

Танымал әнші Қайрат Нұртас өзін енді кассир ретінде де сынап көрмек. Ол Алматыда өтетін «инновациялық концертіне» билеттерді өзі сатпақшы. Осылайша ол сатылымды жылдамдатуды көздеп отырған көрінеді.

«02.12.2016 күні сіздерді 14:00-ден 17:00-ге дейін "Республика сарайы" кассасында күтемін. ӨЗІМ КАССИР БОЛАМЫН. 21.12.2016 күні Алматы Аренада болатын əн кешіме билеттерді өз қолымнан сатып ала аласыздар. + SELFIE + АВТОГРАФ», — деп хабарлады әншінің өзі Instagram әлеуметтік желісіндегі парақшасында.

Айта кетейік, бұған дейін Қайрат Нұртас Шымкентте концерт беріп, өзінің үстіндегі бағалы костюмын концерт көруге келген науқас балалардың біріне сыйлаған болатын.