Жаңалықтар 26.02.2022 сағат 02:33

НАТО-ға мүше елдердің басшылары шұғыл мәлімдеме жасады

Олар Ресейді арнайы операцияны дереу тоқтатуға шақырды.
НАТО-ға мүше елдердің басшылары шұғыл мәлімдеме жасады
Фото: ашық дереккөз
Бөлісу
Бөлісу
Бөлісу

НАТО-ға мүше елдердің басшылары (Солтүстік Атлантикалық Альянс) саммитте мәлімдеме жасады, олар Ресейді арнайы операцияны дереу тоқтатуға шақырды, сондай-ақ Украинаға саяси және "практикалық" көмек көрсетуден танбайтындарын да жеткізді, деп хабарлайды Zakon.kz.

"Біз қорғанып жатқан Украинаны саяси және практикалық тұрғыда ары қарай қолдай береміз және басқаларды да солай етуге шақырамыз", - деп РИА Новости НАТО мәлімдемесінен үзінді келтіреді.

НАТО төтенше жағдайларға жауап беру және Альянс аумағын қорғау үшін қорғаныс жоспарларын іске қосқанын атап өтті, өйткені олар Ресейдің Украинадағы әрекетін еуроатлантикалық қауіпсіздікке төнген ең үлкен қауіп деп санайды.

Сондай-ақ, Альянс Ресей Федерациясының іс-қимылдарына қарай өзінің тежеуші және қорғаныс стратегиясына қатысты қорытынды шығарып отыратыны хабарланды.

24 ақпанда Ресей президенті Владимир Путин өз халқына Жолдауда Донбаста арнайы әскери операция жүргізілетінін жариялады.

25 ақпанда Украина президенті Владимир Зеленский Путинді келіссөздер үстел басына шақырды.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар.  

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар