Жаңалықтар 01.03.2022 сағат 15:00

Азаматтарға тергеудің рұқсат етілмеген тәсілдерін қолданды деген күдікпен тоғыз қызметкер қамауға алынды

Ресми мәлімет бойынша, азаптау кезінде алты адам қайтыс болған.
Азаматтарға тергеудің рұқсат етілмеген тәсілдерін қолданды деген күдікпен тоғыз қызметкер қамауға алынды
Бөлісу
Бөлісу
Бөлісу

Қазақстанның бас прокуратурасы ұсталған азаматтарға қарсы тергеудің рұқсат етілмеген тәсілдерін қолданды деген күдікпен тоғыз қызметкер ұсталғанын мәлімдеді.

Мекеменің Қылмысты тергеу қызметінің басшысы Серік Шалабаевтың айтуынша, қаңтар оқиғаларынан кейін азаптау мен қызмет бабын асыра пайдалану айыптарымен 203 адамға қылмыстық іс қозғалған. Оларды арнайы прокурорлар тергеп жатыр.

16 ақпанда бас прокуратура қаңтар оқиғаларына байланысты "тергеудің рұқсат етілмеген тәсілдерін" қолданды және азапталуға байланысты 363 арыз түскенін мәлімдеген. Қазір сегіз іс бойынша тергеу жүріп жатыр.

Қазақстанда қаңтар оқиғалары бойынша мыңдаған адам ұсталып, жүздеген адамға "терроризм", "жаппай тәртіпсіздікті ұйымдастыру", "қару-жарақ сақтау" секілді айыптар тағылды. Ұсталғандардың дені тергеу кезінде азапталғанын мәлімдеді. Ішкі істер министрлігі болса, тергеу кезінде азаптау болғанын теріске шығарған.

Ресми мәлімет бойынша, азаптау кезінде алты адам қайтыс болған. Құқық қорғау ұйымдары қаңтар оқиғаларын тергеуге халықаралық мамандарды шақыруды сұраған. Бірақ билік оның қажеті жоқ деп мәлімдеді.

Abai.kz

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар