Қазақстанда ауыр жүк көліктері үшін шектеу енгізілді

Қазақстанда көктем айларында ауыр жүк көліктерінің қозғалысы шектеледі.

"Көктемгі су тасқыны кезеңінде жол төсемін сақтау мақсатында бір оське 8 тоннадан астам жүктемесі бар жүк және ірі габаритті автокөліктер үшін қозғалысқа шектеу енгізілді", - деп хабарлады индустрия және инфрақұрылымдық даму министрлігінің баспасөз қызметі.

Осылайша 1 наурыз бен 1 сәуір аралығында Алматы, Атырау, Жамбыл, Қарағанды (Жезқазған өңірі), Қызылорда, Маңғыстау және Оңтүстік Қазақстан облыстары жолдарында ауыр жүк көліктерінің қозғалысы шектеледі.

Сондай-ақ, 23 наурыздан 1 мамырға дейін шектеу Ақмола, Ақтөбе, Шығыс Қазақстан, Батыс Қазақстан, Қарағанды (Қарағанды өңірі), Қостанай, Павлодар және Солтүстік Қазақстан облыстарында енгізіледі.

sputnik.kz

Sn.kz порталының басқа да маңызды жаңалықтарын Instagram, Telеgram, facebook, twitter және vk секілді әлеуметтік желідегі парақшаларымыздан оқи аласыздар.