Жаңалықтар 06.03.2022 сағат 05:30

Украинадан эвакуациялау: Катовицеде тағы 30 қазақстандық бар

Қазақстанға 432 адам қайтарылды.
Украинадан эвакуациялау: Катовицеде тағы 30 қазақстандық бар
Фото: ашық дереккөз
Бөлісу
Бөлісу
Бөлісу

Қазақстан азаматтарын Украинадан эвакуациялау басталғалы ҚР шет елдердегі дипломатиялық мекемелері 553 азаматтың шығуына көмек көрсетті.

Бүгінде Air Astana әуе компаниясының арнайы рейстері арқылы Қазақстанға 432 адам қайтарылды. Қазір төртінші эвакуациялық ұшақты жіберу жоспарланып отыр. Рейс Катовице қаласында (Польша) азаматтардың қажетті санының жиналуына қарай жүзеге асырылады.

Айта кететін жәйт, осыған дейін Украинадан шыққан отандастардың бірқатары Еуропалық Одақ аумағында қалуға шешім қабылдаған. Қазір Катовице қаласында 30 ҚР азаматы бар, Украина-Польша шекарасында 30 жолаушысы бар тағы 1 автобус өз кезегін күтуде.

«Атамекен» ҰКП ақпаратына сәйкес, Украинадағы әскери әрекеттер басталғаннан кейін сол елдің аумағында 47 жүргізуші – ҚР азаматтары және 8 жүргізуші – шет мемлекеттердің азаматтары бар жалпы 55 бірлік автокөлік қалып қалып қойған. ҚР шет елдердегі мекемелерінің тікелей көмегімен және араласуымен 55 автокөлік құралдарының 31-і шықты, оның ішінде: Ресейге – 11; Молдоваға – 8; Польшаға – 12. Қалған 24 автокөлік Украина аумағында қалып қойды.

ҚР Сыртқы істер министрлігі жүргізушілермен байланыс орнатқан, олардың тізімі мен автокөліктердің орналасқан жері нақтыланды.

Sn.kz порталының басқа да маңызды жаңалықтарын InstagramTelеgramfacebooktwitter және vk секілді әлеуметтік желідегі парақшаларымыздан оқи аласыздар. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар