Жаңалықтар 27.03.2022 сағат 14:40

Министрлік жаңа облыстардың қалай құрылатыны туралы сұраққа жауап берді

Әлеуметтік желілерде елде құрылатын жаңа облыстардың картада көрсетілген бірнеше нұсқасы жүр.
Министрлік жаңа облыстардың қалай құрылатыны туралы сұраққа жауап берді
Бөлісу
Бөлісу
Бөлісу

Ұлттық экономика министрлігі Қазақстанда жаңа облыстар қалай құрылатынын айтты, - деп хабарлайды Skifnews.kz ақпараттық порталы Tengrinews.kz сайтына сілтеме жасап.

Әлеуметтік желілерде елде құрылатын жаңа облыстардың картада көрсетілген бірнеше нұсқасы жүр.
"Құрылған комиссия әр облыс бойынша орналасу, көлік жолдары, әлеуметтік-экономикалық және инфрақұрылымдық даму жағдайын жан-жақты зерттейді. Қазіргі уақытта облыстардың аумағы нақты қандай болатынын айту әлі ерте.

"Қазақстан Республикасының әкімшілік-аумақтық құрылысы" туралы заңға сәйкес жергілікті өкілді және атқарушы органдар осы мәселе бойынша үкіметке ұсыныс айтуы тиіс", - деді ведомстводағылар.

Ол үшін өңірлер әртүрлі деңгейдегі әкімдердің шешімдерін, әкімдіктердің қаулылары мен мәслихаттардың шешімдерін қабылдау мәселелері бойынша ұйымдастырушылық-дайындық жұмыстарын жүргізуі, сондай-ақ "Ашық НҚА" порталында жария талқылау өткізуі қажет.

"Бүгінде министрлік үш облыс әкімдіктерінің өкілдерімен тығыз жұмыс істеп жатыр. Бұл процедуралар белгілі бір уақытты қажет етеді. Мемлекет басшысының Жарлығы дайындалып жатыр", - делінген Tengrinews.kz сауалына жауапта.

Бұған дейін Қазақстанда жаңа облыстар пайда болғаннан кейін ел әкімшілік түрде 20 аумаққа бөлінетіні белгілі болған: 17 облыс және республикалық маңызы бар үш қала.

Президент Қасым-Жомарт Тоқаев Жолдауында еліміздің әкімшілік-аумақтық құрылымын жетілдіру қажет екенін мәлімдеді. 

Алайда министрлік өкілдері қазір облыстар нақты қалай бөлінетінін айту әлі ерте екенін хабарлады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар