Жаңалықтар 29.03.2022 сағат 11:40

Ақтөбеде нан тапшылығы сезілуі мүмкін

Ақтөбе жұртын нанмен қамтып отырған ең ірі наубайхананың қорында небәрі жарты айға жететін шикізат қалыпты.
Ақтөбеде нан тапшылығы сезілуі мүмкін
Бөлісу
Бөлісу
Бөлісу

Ақтөбеде нан тапшылғы сезілуі мүмкін. Өңірдегі ірі наубайханалар ұн таппай отыр. Ресей бидай өнімдерін сыртқа шығаруға тыйым салғалы, Орынбормен шекарада бидай толы 35 вагон қаңтарылып тұр, деп хабарлайды Skifnews.kz ақпараттық порталы Stan.kz ақпарат агенттігіне сілтеме жасап.

Ақтөбе жұртын нанмен қамтып отырған ең ірі наубайхананың қорында небәрі жарты айға жететін шикізат қалыпты. Көрші елдегі шаруаларға ақшасын төлеп, "міне жеткізеді" деп отырғанда шекарадағылар жібермей қойған. Енді екі мың тонна бидайды қалай алдырамыз деп басы қатып отыр.

“Ақтөбедегі наубайханалар бидайдың жетпіс пайызын елімізде шаруалардан сатып алады. Ал қалғанын көктемде көрші елден тасиды. Орынбордан жеткізуге қатынас та, ақшасы да қолайлы”, – дейді кәсіпкерлер. Енді қорды екі апта ішінде толтырмаса, наубайхана жұмысын тоқтатып, Ақтөбе нансыз қалауы мүмкін. Ал кәсіпкерлер палатасындағылар мәселені үкімет деңгейінде шешпесе, жергілікті билік қауқарсыз екенін айтады.

“Біз бұл мәселені Ресей тарапымен, Орынбор  облысының бизнес-омбудсменімен де онлайн-режимде талқыладық. Бидайды елге өткізуге қатысты өтініш хатымызды да ресейліктерге жолдадық. Қазір енді ол жақтан жауап күтіп отырмыз”, – дейді "Атамекен" ҰКП Ақтөбе облысы филиалы директорының орынбасары Руслан Күйшінов.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар