Жаңалықтар 31.03.2022 сағат 12:20

Шымкенттегі кеңсе қағазын өндіретін зауыт өз жұмысын тоқтатты

Бұрын кәсіпорында А4 форматындағы 3 миллион бума қағаз және А3 форматындағы 300 мың бума қағаз шығарылған. Енді өндіріс тоқтап қалды.
Бөлісу
Бөлісу
Бөлісу

Шикізат жеткізудегі мәселелер Шымкенттегі кеңсе қағазы өндірісінің тоқтауына әкеп соқты. Кәсіпорын шикізатты Финляндиядан сатып алған, - деп хабарлайды "Хабар 24" телеарнасы.

Зауыт қызметкерінің сөзінше, басқа жеткізушіні табу оңай болмаған. Енді олар бұл жағдайға мемлекет араласатынына үміттеніп отыр. Себебі жұмысты бастау қиын болып отыр. 

Телеарна мәліметінше, бұрын кәсіпорында А4 форматындағы 3 миллион бума қағаз және А3 форматындағы 300 мың бума қағаз шығарылған. Енді өндіріс тоқтап қалды.

Сонымен қатар, дүкен сөрелерінде кеңсе қағазы азайып жатыр. Сатушылар импорттаушылар жеткізу санын қысқартып, бағаны күрт өсіріп жібергенін айтқан. Кәдімгі бума қағаз енді екі есе қымбат болады.

"Қазақстан өзін шикізатпен қамтамасыз ете алмайды. Ормандар Ресейде, Финляндияда орналасқан. Целлюлоза-қағаз комбинаты қазақстандық компанияларға сатады. Олар кейін бізге сатады. Жылдық көлем қанша екенін білу үшін тікелей сатып алғымыз келеді. Онда жеткізушілермен бәсекелесе аласыз. Толық жұмыс істесек, нарықтың 20 пайызын жаба аламыз", - дейді зауыт бас директорының орынбасары Қанат Әлімбаев.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар