Жаңалықтар 13.04.2022 сағат 12:40

Бозжыра шатқалында қонақ үй кешені салынбайтын болды

Бастапқыда инвестор Бозжыра шатқалындағы Жабайұшқан қорықшасының аумағында жобаны іске асыруды ұсынған. Бірақ, аталған аумақ ерекше қорғалатын аймақ болғандықтан Мемлекет басшысы Үкіметке жобаны жүзеге асыру орнын қайта қарауды тапсырды.
Бозжыра шатқалында қонақ үй кешені салынбайтын болды
Фото: ашық дерекөз
Бөлісу
Бөлісу
Бөлісу

Бозжыра шатқалында қонақ үй кешені салынбайды. Бұл ақпаратты Маңғыстау облысы әкімдігінің баспасөз қызметі растады.

«Жоба бастамашысы – «Tethys Aktau IV « ЖШС-ның ауызша ақпаратына сәйкес, Бозжыра шатқалындағы қонақ үй кешені мен этноауыл құрылысының жобасы инвестордың бастамасымен тоқтатылды», –  делінген хабарламады.

Айта кетейік, 2021 жылдың басында өңірдегі экологиялық туризмді дамыту мақсатында инвестор ұсынған жобалардың бірі Қарақия ауданындағы Этноауыл сапар орталығы болған еді. Бастапқыда инвестор Бозжыра шатқалындағы Жабайұшқан қорықшасының аумағында жобаны іске асыруды ұсынған. Бірақ, аталған аумақ ерекше қорғалатын аймақ болғандықтан Мемлекет басшысы Үкіметке жобаны жүзеге асыру орнын қайта қарауды тапсырды.

Маңғыстау облысы әкімдігі Мәдениет және спорт, Экология, геология және табиғи ресурстар министрліктерімен бірлесіп, қоғам өкілдерімен, ардагерлермен, экоқорғаушылармен, ғалымдармен, экология, биология саласындағы сарапшылармен бірқатар кеңестер мен кездесулер өткізіп, жобаны Бозжыра шатқалынан 4 шақырым қашықтықта, қорықшадан тыс жерде жүзеге асыру туралы шешім қабылданды. Инвестор топырақтың геологиялық жағдайларын анықтау үшін инженерлік-геологиялық іздестіру жұмыстарын жүргізіп, қолданыстағы грейдер жолды қалпына келтірді.

«Бұған қоса, инвестор Маңғыстау облысының экологиялық туризм ерекшеліктерін ескере отырып, оны табысты жүзеге асыру үшін жоба тұжырымдамасына кешенді өзгертулер әзірлеп жатыр. Жоба тұжырымдамасына кешенді өзгертулер енгізуге қатысты кейбір сәттердің туындауына байланысты оның құны 38,6 млрд теңгеден 39,8 млрд теңгеге дейін ауытқыды. Жобаның нақты құны оған өзгерістер енгізумен байланысты жоғарыда аталған процедуралар аяқталған соң нақтыланады», – деп атап өтеді әкімдіктен.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар