Қостанайда полиция қызметкері көлігімен бірге суға батып кеткен

Қайғылы оқиға Қостанай облысында орын алды, деп хабарлайды Zakon.kz.

Биыл 28 сәуірде Қостанай облысының Әулиекөл полиция бөлімінің учаскелік инспекторы өзіне бекітілген учаскеде рейдтік жедел-алдын алу іс-шараларын жүргізген.

Дегенмен, онымен байланыс үзіліп, іздеу жұмыстары ұйымдастырылды. Жергілікті жерді тексеру кезінде су қоймасы түбінен көлік, ал салоннан учаскелік полиция қызметкерінің денесі табылды. Сырттай қарау кезінде одан зорлық-зомбылық белгілері анықталған жоқ.

Қостанай облысы ПД баспасөз қызметі қазіргі уақытта аталған факті бойынша сотқа дейінгі тергеу және қызметтік тексеру басталғанын хабарлады.