Жаңалықтар 03.05.2022 сағат 15:40

Әскерде қайтыс болған Әлібек Қалбайға ескерткіш орнатылады

Жас сарбаздың отбасына 500 АЕК көлемінде қаржылай көмек көрсетілген.
Әскерде қайтыс болған Әлібек Қалбайға ескерткіш орнатылады
Фото: ашық дереккөз
Бөлісу
Бөлісу
Бөлісу

Жамбыл облысында әскери борышын өтеп жүріп, көз жұмған маңғыстаулық жас сарбаз Әлібек Қалбайдың құрметіне ескерткіш орнатылмақ. Бұл туралы Қазақстан Қарулы күштері бас штабы басшысының орынбасары, тәрбие және идеологиялық жұмыс департаментінің басшысы, генерал-майор Серік Боранбаев мәлім етті.

«Өкінішке қарай, биыл 22 сәуірде Маңғыстау облысында орналасқан әскери госпитальде әскер қатарына шақырылған Әлібек Қалбай қайтыс болды. Болған оқиға жас сарбаздың отбасымен қатар, барша қарулы күш ұжымына ауыр тиді. Оқиғаға қатысты белгілі ақпараттарды ресми түрде бердік. Бүгінде тиісті сараптама алынды, тергеу амалдары жүріп жатыр. Біз ешнәрсені жасырмаймыз. Мерт болған жас cарбаздың ата-анасы мен туыстары арнайы келіп, әскери бөлімнің қызметімен танысты», - деді Серік Боранбаев Орталық коммуникациялар қызметі алаңында өткен баспасөз мәслихатында.

Оның айтуынша, қайғылы жайттың мән-жайы тергеу нәтижесінен соң белгілі болады.

«Қазіргі кезде белгілісі - сапта тұрған сарбаз басы айналып, есінен танып қалған. Ал толығырақ айта алмаймын, сондықтан істің ақырын сабырмен күтейік. Жас сарбаздың отбасына қолдау көрсетіліп жатыр. Атап айтқанда, 500 АЕК көлемінде қаржылай көмек тағайындалды. Сонымен қатар, ескерткіш қоюға 80 АЕК көлемінде қаржы қарастырылды. Одан бөлек, жеке құрамның атынан қаржылай және басқалай да қолдау көрсетілді», - дейді ол.

Еске сала кетейік, Әлібек Қалбай Жамбыл облысындағы Гвардейск әскери қалашығындағы госпитальде мерзімді әскери қызметке шақырылып, сол жерде қайтыс болды.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар