Маңғыстау облысы Қарақия ауданында жаңбырдан кейін су тасқыны жүріп, ол Ақтау мен Жаңаөзенді байланыстыратын тасжолға дейін жетті, деп хабарлайды Lada.kz сайты.
Куәгерлер табиғи апатты видеоға түсіріп, желіде таратты.
"Қазгидромет" РМК синоптиктерінің мәліметінше, Маңғыстауда 6, 7 мамырда жаңбыр жауып, жел күшейеді. Жауын-шашын салдарынан жолдың көрінуі нөлдік пайызға жетуі мүмкін. Жүргізушілерге ұзақ жолға шықпауды ескертті.