Жаңалықтар 23.05.2022 сағат 23:31

Сарқанда қоқыстан мәйіті табылған қыздың анасы 2 айға қамауға алынды

Жас баланы өлтіру ойын іске асыру үшін қала сыртында орналасқан, бұрынғы зауыт маңындағы қоқыс төгетін жердің еңісіне қарай түсіп, дәрменсіз баланы жерге жатқызып қылқындырып өлтірген.
Сарқанда қоқыстан мәйіті табылған қыздың анасы 2 айға қамауға алынды
Бөлісу
Бөлісу
Бөлісу

Сарқанда қоқыстан табылған қызды анасы өзінің ағасымен бірге қылқындырып өлтірді деген күдікке ілінді. Олар екі айға қамауға алынды, деп хабарлайды ҚазАқпарат тілшісі Сарқан аудандық сотына сілтеме жасап.

Осы жылдың 8 ақпанында күдікті әйел М. өзінің ағасы А.М-мен бірге таксимен қызын алып келе жатып, жолдан түсіп қалған. Сол кезде ағасына туғаннан аурушаң және арнайы есепте тұрған баласын қарай алмайтынын, көргісі келмейтінін айтып оны өлтіру керек екені туралы ұсыныс жасаған. Келіспеген жағдайда өзіне-өзі қол жұмсайтынын жеткізген.

Ағасы қарындасының сөзіне келісіп, баланы өлтіруге алдын ала сөз байласқан. Жас баланы өлтіру ойын іске асыру үшін қала сыртында орналасқан, бұрынғы зауыт маңындағы қоқыс төгетін жердің еңісіне қарай түсіп, дәрменсіз баланы жерге жатқызып қылқындырып өлтірген. Баланың бақилық болғанына көз жеткізіп, мәйітті жасырып, төбешіктің үстінде сырттай бақылап тұрған қарындасын алып, оқиға орнынан бой тасалағандары анықталды»,- делінген Сарқан аудандық сотының баспасөз қызметінің хабарламасында.

Ведомствоның ақпаратына сәйкес, Алматы облысы Сарқан аудандық сотында күдікке ілінген нәрестенің анасы М. және анасының ағасы А. М - ға қатысты бұлтарпау шарасын анықтау туралы іс қаралды. Сотқа дейінгі тергеп-тексеру органы соттан аталған азаматтарға қатысты бұлтартрау шарасы ретінде күзетпен ұстауды санкциялауды сұраған. Күдіктілер жасаған қылмыстарын мойындады.

«Сотта қатысушыларды тыңдап, күдіктілерді 2 айға күзетпеу ұстау түрін санкциялау бойынша қаулы шығарды»,- деп толықтырды аталған ведомствоның баспасөз қызметі.

Естеріңізге салсақ, 18 мамыр күні Алматы облысы Сарқан ауданында бес жасар баланың мәйіті қоқыстан табылғанын хабарлаған болатынбыз.
 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар