Жаңалықтар 02.06.2022 сағат 15:20

«Тек әкіммен сөйлесуге келіскен». Ақтөбе облысында тұрғын мұнараға шығып, жұртты шошытты

Ол туыстарымен сөйлесуден бас тартып, тек ауыл әкімін тыңдауға келіскен.
Бөлісу
Бөлісу
Бөлісу

Ақтөбе облысында ауыл тұрғыны байланыс желісі мұнарасына шығып, өзіне қол жұмсаймын деп қорқытқан. Ол туыстарымен сөйлесуден бас тартып, тек ауыл әкімін тыңдауға келіскен, - деп хабарлайды "Мой ГОРОД".  

Оқиға Қаратоғай ауылында болған. Ақтөбе облысы Төтенше жағдайлар департаменті мәліметінше, 1 маусымда сағат 14:30-да Мәртөк аудандық өрт сөндіру бөлімі пультіне ер адам байланыс желісі мұнарасына шығып, өзіне қол жұмсаймын деп қорқытып жатқаны туралы хабарлама түскен. 

Оқиға орнына облыстық ТЖД қызметкерлері, құтқарушылары, дәрігерлер мен полицейлер барған. Сол жерде Қаратоғай ауылының тұрғыны 25 метрлік байланыс желісі мұнарасына шығып алып, өзіне қол жұмсаймын деп қорқытқаны белгілі болған.

"Ол әкесі, әйелі, қызы және қызметкерлермен сөйлесуден бас тартқан. Ол тек ауыл әкімі Руслан Байсағызовпен сөйлесуге келісті. Ол өз өмірін қатерге тігіп, жоғарыға жалғыз көтеріліп, құтқарушылар оған жақындауы үшін ер адамның назарын басқа жаққа аударған", - деп жазды өңірлік сайт тілшілері.

Сағат 17:17-де құтқарушылар ер адамға жақындап барып, оны темір құрылымға кісендеп үлгерген, кейін альпинистік құрал көмегімен оны түсіріп, учаскелік инспекторға тапсырған.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар