$ 442.85  480.32  4.94

«Жеке ұшақ жалдаған»: Нұр-Сұлтан сотының төрағасы үстінен қызметтік тексеріс басталды

Бүгінгі таңда жекеменшік ұшақты Бәрпібаевтың құдасы болып келетін бизнесмен өзі және отбасы үшін медициналық операция жүргізу үшін Германияға бару мақсатында жалға алғаны анықталды.
Фото: ашық дереккөз
Фото: ашық дереккөз

Нұр-Сұлтан сотының төрағасы Тілектес Бәрпібаевтың жекеменшік ұшағына байланысты тексеріс басталды, - деп хабарлайды Tengrinews.kz.

Нұр-Сұлтан бойынша Сыбайлас жемқорлыққа қарсы қызмет ҚР Жоғарғы Сотының ішкі қауіпсіздік бөлімшесімен бірлесіп, Нұр-Сұлтан сотының төрағасы Бәрпібаевқа қатысты БАҚ ақпараты бойынша тексеру жүргізіп жатыр.

"Бүгінгі таңда жекеменшік ұшақты Бәрпібаевтың құдасы болып келетін бизнесмен өзі және отбасы үшін медициналық операция жүргізу үшін Германияға бару мақсатында жалға алғаны анықталды. Бизнесменнің Германия клиникаларының бірінде медициналық қызмет алуы және ұшаққа жеке өзі ақы төлеу фактісі құжат арқылы расталған.

Бәрпібаевқа келетін болсақ, ол әйелімен бірге осы чартерлік рейстің жолаушылары болған. Ол да медициналық тексеру үшін ұшқан. Аталған факті бойынша тексеру жалғасуда. Бәрпібаевтың Судья әдебі кодексін сақтау мәселесі бойынша Жоғарғы Соттың тиісті комиссиясы қызметтік тексеру жүргізеді", - делінген ведомство хабарламасында. 

Еске салайық, Германияда қазақстандық дипломаттың әкесіне коронавирус белгілері диагнозы қойылған болатын. Елордалық сот төрағасы Тілектес Бәрпібаев демалыста болған. Қазір ол емделіп жатыр.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары