$ 448.15  483.46  4.86

Қазақстан футболшылары UEFA-ның бірден екі рейтингінде көш бастады

Ұлттық құрама бұған дейін Әзербайжан және Словакия құрамаларынан басым түскен болатын.
Фото: ашық дереккөз
Фото: ашық дереккөз

Футболдан Қазақстан ұлттық құрамасы Ұлттар лигасында өткізген екі матчтан кейін UEFA-ның бірден екі рейтингінде көш бастады, деп хабарлайды Sports.kz.

Бұған дейін жазғанымыздай, бірінші турда қазақстандықтар өз алаңында Әзербайжан құрамасын 2:0 есебімен ұтты. Матч астанадағы «Астана Арена» стадионында өтті. Кейін Магомед Адиевтің командасы сыртта Словакияны 1:0 есебімен жеңді.

Екі ойын қатарынан гол соқтырмаған Қазақстан құрамасы тағы төрт командамен қатар, «құрғақ» матчтар рейтингінде көш бастады. Сондай-ақ сейвтер саны (10) бойынша алдыңғы орынға шықты. Соққылардың осындай көрсеткішіне Гибралтар және Хорватия командалары ие.

Еске салайық, UEFA Ұлттар лигасының топтық кезеңі ойындарына қатысып жатқан Қазақстан футболшылары:

Қақпашылар: Игорь Шацкий, Мұхаммеджан Сейсен, Бекхан Шайзада.

Қорғаушылар: Сергей Малый, Александр Марочкин, Бағдат Қайыров, Темірлан Ерланов, Нұралы Әліп, Елдос Ахметов, Михаил Габышев, Ғафуржан Сүйімбаев, Талғат Көсепов.

Жартылай қорғаушылар: Асхат Тағыберген, Владислав Васильев, Самат Жарынбетов, Аслан Дарабаев, Исламбек Қуат, Тимур Досмағамбетов, Ян Вороговский, Эльхан Астанов, Бауыржан Байтана, Рамазан Оразов, Максим Самородов, Арман Кеңесов.

Шабуылшылар: Артур Шушеначев, Абат Айымбетов, Абылайхан Жұмабек.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары