Жаңалықтар 08.06.2022 сағат 14:20

Екібастұзда мектеп өртенді

Фирма басшылығы өз қателігін мойындап, шығынды өтеуге дайын екенін жеткізді.
Екібастұзда мектеп өртенді
Бөлісу
Бөлісу
Бөлісу

Оқыс оқиға Екібастұздағы жөндеу жұмыстары жүріп жатқан №24 мектепте болған, - деп хабарлайды Pavlodarnews.kz. 

Облыстық білім беру басқармасының мәліметінше, Сәтбаев көшесі, 4 мекенжайында №24 мектептен өрт шыққаны туралы хабар сағат 10.00-де түскен. 

"1-қабаттағы кабинетте жөндеу жұмыстарын жүргізу кезінде өрт шыққан. 40 шаршы метр аумақта құрылыс заттары мен пластик құрылымдар жанып кеткен", - деді басқарма өкілі.

Өрт сағат 10:15-те ауыздықталған. 

Басылым мәліметінше, білім ордасында сәуірден бері жөндеу жүргізіліп жатыр.

"Өрт шығуына жылу жүйесі бойынша дәнекерлеу жұмысын жүргізіп жатқан "Бектемір Құрылыс" ЖШС себеп болған. Фирма басшылығы өз қателігін мойындап, шығынды өтеуге дайын екенін жеткізді", - деді мектеп директоры Құралай Рахметжанова.

Мектеп директорының айтуынша, бүгінде күрделі жөндеудің жалпы көлемінің 60 пайызы орындалған.

"Өрт салдарынан жөнделген екі кабинет зардап шекті, сондай-ақ, тағы бір мердігер - "Қазеврострой" ЖШС-нің құрылыс материалдары жарамсыз болып қалған. Шығын сомасы анықталған соң кінәлі тұлғалар шығынды  өтейді. Жөндеу жұмыстарын жалғастырамыз және мерзімінде аяқтаймыз деп үміттенеміз", - деді Білім беру бөлімі басшысының міндетін атқарушы Динара Ахметова.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар