Жаңалықтар 16.06.2022 сағат 22:10

Ұлттық құрылтай тұтас елді жұмылдыру үшін құрылды – Исламбек Салжанов

Ол құрылтайдан көптің көкейіндегі көп түйткілге жауап алдық дейді.
Ұлттық құрылтай тұтас елді жұмылдыру үшін құрылды – Исламбек Салжанов
Фото: ашық дереккөз
Бөлісу
Бөлісу
Бөлісу

Енді Qurultay деген арнайы мобильді қосымшасы арқылы кез келген адам Әділетті Қазақстанды құру жолдары туралы өз ұсынысын жеткізе алады, деп жазды меценат Исламбек Салжанов.

Киелі Ұлытаудың топырағында, Жошы хан тарихи-мемориалды кешенінде өткен Ұлттық құрылтайдың алғашқы отырысына қатысу нәсіп болыпты. Осы ұлы жиыннан алып шыққан ой-тұжырымдарыммен сіздермен бөліссем деймін. Осындай мемлекеттік деңгейдегі аса маңызды саяси шараның Сарыарқаның төрінде – қазақтың хан-сұлтандарының ізі қалған сайын даланың төсінде өткізілуінің мәні тереңде жатыр,  - деді ол.

Ол Qurultay атты арнайы мобильді қосымшасы арқылы кез келген адам әділетті Қазақстанды құру жолдары туралы өз ұсынысын жеткізе алатынын айтты.

Ерте заманнан құрылтай ел тағдыры шешілетін аса маңызды оқиғалар алдында шақырылған. Ұлттық құрылтай жаңа Қазақстанды құруға тұтас елді жұмылдыру үшін құрылды.Бұл Құрылтай – Әділетті Қазақстанды құруға қажетті батыл да жасампаз идеяларды ұсынатын орта болса, Ұлытау Президент айтпақшы, Жаңа Қазақстанды құру жолындағы бірліктің символына айналды. Меніңше, Ұлттық құрылтайдың өзі – қазақстандық қоғамның демократиялық қағидалармен өмір сүре бастағанын аңғартады. Президент оның электронды нұсқасын жасауды тапсырды. Енді Qurultay деген арнайы мобильді қосымшасы арқылы кез келген адам Әділетті Қазақстанды құру жолдары туралы өз ұсынысын жеткізе алады. Бұл – Жаңа Қазақстанда әрбір азаматтың ой-пікірі маңызды деген сөз, - деп жазды Салжанов.

Осы жолы Президент халық үніне құлақ асатын мемлекетке айналғанымызды көрсетті. Оның дәлелі – Қасым-Жомарт Кемелұлы өз сөзінде қазіргі кезде қоғамдық пікірді алаңдатқан өткір мәселелердің барлығына дерлік жауап берді.

Әулиетаудың етегінде Мемлекеттік рәміздер алаңын ашу туралы ұсынысы – Көк туымыздың қадірін қашырған оқиға туралы қоғамдағы соңғы талқылауларға жауап. 25 қазанды Республика күніне ұлттық мереке мәртебесін қайтарып, Егемендік күні деп белгілеу туралы шешім – көзі қарақты азаматтар көптен бері айтып жүрген мәселе. Бұдан бөлек, ұлттық тарихтың көптомдығын әзірлеу, зияткерлік қабілеті жоғары, ойы ұшқыр, еңбекқор жастар тәрбиесін жолға қою, Тіл білімі институтына қазақ тілінің жаңа орфографиясы туралы арнайы еңбек әзірлеуді тапсыру – қоғамдық сұраныстан туындаған шешімдер, - деді ол.

Ол құрылтайдан көптің көкейіндегі көп түйткілге жауап алдық дегенді айтты.

Ал «Қазақ мемлекеті аман тұрғанда, қазақ тілі жасай береді. Бұған ешқандай күмән болмауы керек» деген сөзі – қоғамдағы ең үлкен түйткілдердің біріне тойтарыс беруі. Шетелге заңсыз шығарылған қаржыны елге қайтарумен айналысатын арнаулы мекемеаралық комиссия құру туралы шешім – әділ қоғамдағы баршаға тең қарау қағидасымен үйлеседі. Президент «ескі Қазақстанның» кадрлерін біртіндеп ауыстыру туралы да астарлап айтып өтті. Ендеше, осы құрылтайдан көптің көкейіндегі көп түйткілге жауап алдық деп ойлаймын. Айтпақшы, Құрылтайда Мемлекет басшысының қолынан «Қазақстанның Еңбек ері» атағын алған арқалы ақын ағамыз Мұхтар Шахановты шын жүректен құттықтаймын! Атақ шын иесін тапты деуге болады. Ұлттық құрылтайдың келесі отырысы рухани астанамыз Түркістанда өтеді. Оған дейін баршаңызды ұлттық бірлік пен жаңару туралы ой-пікірлеріңізді ортаға салуға шақырамын, - деп жазды меценат.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар