Жаңалықтар 18.06.2022 сағат 07:27

«Үстіне сорпа құйылып кеткен»: Атырауда 9 жасар бала қайтыс болды

5 күн бойы атыраулық дәрігерлер баланың өмірі үшін күрескен.
«Үстіне сорпа құйылып кеткен»: Атырауда 9 жасар бала қайтыс болды
Бөлісу
Бөлісу
Бөлісу

Атырау облыстық балалар ауруханасында денесін күйік шалған бала қайтыс болды.

9 жасар бала аурухананың реанимация бөліміне 9 маусым күні түскен. 5 күн бойы атыраулық дәрігерлер баланың өмірі үшін күрескен. Алайда операция сәтсіз өтті.

"Баланың үстіне қазандағы сорпа аударылып кеткен. Денесінің 50 пайызын күйік шалған. Жағдайы өте ауыр болды. Нұр-Сұлтандағы мамандардан да кеңес алып отырдық. Дегенмен науқастың өмірін сақтап қалу мүмкін болмады", - дейді Атырау облыстық балалар ауруханасының травматология бөлімінің меңгерушісі Сергей Хван.

Мамандар балаларды күйік шалу көрсеткіші былтырмен салыстырғанда 1,5 есеге өскенін айтады. Мәселен, жыл басынан бері 7 бала күйіктен қайтыс болған. Олардың барлығы да ыстық суға күйіп қалғандар.

Дәрігерлердің айтуынша, бұрын жағдайы ауыр науқастарды Нұр-Сұлтандағы көпбейінді қалалық ауруханасының комбустиология бөлімшесіне жіберуге мүмкіндік болған. Ал қазір ол жерде аймақтардан келген науқастарды қабылдамайды. Өйткені аурухананың статусы қалалық деңгейде.

"Ондағы жағдай әлдеқайда жақсы, барлық құрылғы және тәжірибелі мамандар бар. Осы мәселені бұрыннан бері көтеріп жүрміз, бірақ ешқандай нәтиже шықпай отыр. Бұл проблема барлық өңірлерде де бар", - дейді Сергей Хван. "Балалардың күйік шалуы көп жағдайда ата-ананың жауапсыздығынан орын алып жатыр. Әсіресе кішкентай балалардың қараусыз қалуынан. Баланың денесіне тиген күйіктің ізі өмір бойы қалып қояды, өліп кетіп жатқан жағдайлар да тіркелуде. Сондықтан ата-аналар балаға абай болғаны абзал", - дейді облыстық балалар ауруханасы басшысының орынбасары Орындық Сиплова.

nur.kz

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар