Ресей мен Қырғызстан Тоқаевтың мемлекеттік наградалардан бас тартуына қатысты пікір білдірді

Қырғызстан мен Ресей президенттерінің баспасөз хатшылары Қазақстан басшысы Қасым-Жомарт Тоқаевтың Александр Невский мен Манас марапаттарынан бас тарту мәлімдемесіне түсініктеме берді, деп хабарлайды Sputnik Қазақстан.

Саясаттанушы Ербол Еділов Тоқаев президенттік мерзімінің соңына дейін Қазақстанда да, шетелде де ешбір мемлекеттік наградаларды алмау туралы шешім қабылдағанын айтқан болатын. Мұны Ақорданың баспасөз қызметі растады.
Осыдан кейін Владимир Путиннің баспасөз хатшысы Дмитрий Песков Тоқаевты Ресейге сапары кезінде марапаттау жоспарланбағанын айтты.
Осындай мәлімдемені Қырғызстан президентінің баспасөз хатшысы Эрбол Сұлтанбаев айтты.