Жаңалықтар 19.06.2022 сағат 20:28

Атырауда екі адам топырақ үйіндісінің астында қалып көз жұмды

Қазылған шұңқырға топырақ үйіндісі құлаған.
Атырауда екі адам топырақ үйіндісінің астында қалып көз жұмды
Бөлісу
Бөлісу
Бөлісу

Олар жеке тұрғын үйдің жанынан қазылған шұңқырға құлаған топырақтың астында қалған, деп хабарлайды ҚазАқпарат. 

Бұл деректі облыстық полиция департаментінің баспасөз қызметі растады. Екі адамның өліміне соқтырған қайғылы оқиға кеше болған. 

18 маусымда екі ер адам Атырау қаласындағы «Жұлдыз» шағын ауданында орналасқан жеке тұрғын үйдің жанынан шұңқыр қазған. Сол кезде су құбыры жарылып кеткен. Соның салдарынан қазылған шұңқырға топырақ үйіндісі құлаған. Екі ер адам топырақ үйіндісінің астында қалып, шыға алмаған. Екеуі де оқиға орнында қайтыс болды, - деп мәлім етті департаменттің баспасөз қызметінен.

Қайтыс болғандардың бірі – 1989 жылғы, екіншісі – 1999 жылы туған. 

Қазір полиция қызметкерлері осы дерекке байланысты тергеу амалын жүргізіп жатыр. Өзге ақпарат Қылмыстық-процестік кодексінің 201-бабына сәйкес жариялауға жатпайды.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар