Түркістан облысында жеті жасар қыз 25 литрлік темір бөшкеден шыға алмай қалған

Түркістан облысы Атакент ауыл аймағындағы жеке тұрғын үйлердің бірінде жеті жасар қыз 25 литрлік бидонның ішіне түсіп, қайта шыға алмай кептеліп қалған, деп хабарлайды “Отырар” порталы.

Белгілі болғандай қыз ересектердің қарауынсыз қалып, 25 литрлік бидонға түсіп, кейін өз бетінше шыға алмай қалған.

Баланың ата-анасы құтқарушылардан көмек сұрады. 15 минуттан кейін оқиға орнына ТЖД-нің төрт қызметкері мен бір техникасы келген.

Қызды құтқару үшін дәнекерлеу құрылғысын қолдану керек болды. Содан кейін бала бидоннан шығарылып, ата-анасына тапсырылды. Қызға дәрігерлердің көмегі қажет болмады.