Жаңалықтар 28.06.2022 сағат 20:30

«Бұл тақырыпты талқыламауды сұраймыз»: Шахмат федерациясы мәлімдеме жасады

Бұған дейін Бибісара Асаубаева федерация «Президент әкімшілігінен ақша сұрауға танымал спортшыларды пайдаланады» деп хабарлаған болатын.
«Бұл тақырыпты талқыламауды сұраймыз»: Шахмат федерациясы мәлімдеме жасады
Бөлісу
Бөлісу
Бөлісу

Қазақстан шахмат Федерациясының баспасөз қызметі Бибісара Асаубаевның мәлімдемесіне қатысты пікір білдірді, деп хабарлайды «Адырна» тілшісі.

    «Федерация жұмысы үшін мемлекеттен ешқандай қаржы сұралмады. Мемлекет басшысымен және әкімшілікпен кездесу кезінде ҚР шахмат тұжырымдамасы қарастырылды. Бұл бірнеше мәрте жарияланды. Оған дәлел ретінде, Қазақстанның мәдениет және спорт министрі Дәурен Абаев, ҚШФ президенті Ғалым Хусаинов, вице-президент Дәрмен Сәдуақасов, Жансая Әбдімәлік мәлімдеме жасады»,– делінген хабарламада.

Федерация Қасым-Жомарт Кемелұлының Қазақстандағы шахматты дамыту бастамасын қолдайтынын атап өтті.

    «Мектеп қабырғасындағы шахмат, муниципалды клубтар, оқытушыларды даярлау жұмыстарын ҚШФ қаржыландыра алмайды. Мұнымен арнайы министрліктер айналысады. Қазіргі уақытта спортшылар мен Федерацияның басты назары Үндістандағы олимпиадаға дайындалуға бағытталған. Біз бұқаралық ақпарат құралдарынан бұл тақырыпты енді талқыламауды және одан да маңызды істерге назар аударуға мүмкіндік беруді сұраймыз»,– деп қорытындылады ҚШФ.

Еске сала кетейік, бұған дейін Бибісара Асаубаева федерация «Президент әкімшілігінен ақша сұрауға танымал спортшыларды пайдаланады» деп хабарлаған болатын. Кейін спортшы басшыларымен бірге детектордан өтуге дайын екенін де айтты.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар