Жаңалықтар 03.07.2022 сағат 15:27

Алматыда тағы бір базар өртке оранды

Қаза болғандар мен зардап шеккендер жоқ.
Алматыда тағы бір базар өртке оранды
Бөлісу
Бөлісу
Бөлісу

Бүгін түнгі сағат үште Алматыда қаласының Алатау ауданында орналасқан құрылыс базарынан өрт шықты. Алапат өртті ауыздықтау үшін  60-тан астам өрт сөндіруші жұмылдырылған.

Алматы қалалық Төтенше жағдайлар департаментінің мәліметінше, түнгі 03:10 шамасында өрт сөндіру бригадасы "Бақорда" базары аумағында орналасқан құрылыс заттарын сататын сауда орнына жоғары ранг бойынша шықты.

"Оқиға орнына 8 минутта келген өрт сөндірушілер шатыр астына қатарлап кесілген ағаш материалдарының ашық жалынмен жанып жатқанын анықтады. Қызыл жалын «Бақорда» сауда орталығына таралу қаупі туындады. Дереу өрт орнында жедел штабтың жұмысы басталды, өнімділігі жоғары өрт оқпандары енгізілді, өрт автопоезі іске қосылып, сондай - ақ үйінділерді алып тастау үшін құтқару қызметінің ауыр-шынжыр табанды техникасы тартылды»,- деп хабапрлады департаменттен.

Қабылданған жедел шаралармен қызыл жалын бір сағат ішінде оқшауланып, жалпы ауданы 2 мың шаршы метрді шарпыған өрт таңғы 06:35-те толығымен сөндірілді.

Анықталғандай, өртті сөндіруге 21 бірлік техника мен жеке құрамнан 64 адам жұмылдырылды. Қаза болғандар мен зардап шеккендер жоқ. Қазіргі уақытта өрттің шығу себебі анықталуда. 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар