Алматыда екі оқушы қызды дәретханада зорламақ болған адам ұсталды

Алматы облысында қоғамдық дәретханада оқушы қыздарға тап беріп, зорламақ болған ер адам ұсталды, деп хабарлайды Ulysmedia.kz.

Облыстық ПД мәліметінше, екі дерек бойынша ұсталған адамға қатысты ҚР Қылмыстық кодексінің 24-бабы, 3-бөлігі, 120-бабы, 3-2-бөлігі, яғни "Зорлауға оқталу" бойынша қылмыстық іс қозғалды.

9 шілдеде полицейлерге кәмелетке толмаған екі қыздың ата-анасы атынан арыз түсті.

«Арызданушылар Шонжы ауылының қоғамдық дәретханаларының бірінде қыздарына (екеуі де 17 жаста) тап беріп, зорламақ болған белгісіз ер адамға қатысты шара қолдануды талап етті», - делінген хабарламада.

Полицейлер 31 жастағы ер адамды ұстады.

«Оның психикалық дамуы тежелген, мүгедектігі бар және психоневрологиялық диспансерде есепте тұрады», - деп хабарлады ведомстводан.

Түпкілікті процессуальдық шешім факті бойынша тағайындалған арнайы психиатриялық сараптаманың қорытындысына сай қабылданатын болады.