Алматыдағы Әл-Фараби даңғылында орналасқан "Нұрлы Тау" бизнес орталығының 19-қабатында өрт шықты.
Алматы Төтенше жағдайлар департаментінің мәліметі бойынша, өрт сөндірушілер оқиға орнына сағат 19:03-те келіп жеткен.
Өрт сөндірушілер кондиционердің сыртқы блогы өртеніп, артынша өрт балконға (жалпы ауданы 2 шаршы метр) тарағанын анықтады.
Өрт тез арада сөндірілді деп хабарлады ведомство. Абырой болғанда зардап шеккендер мен қаза тапқандар жоқ.