Жаңалықтар 29.07.2022 сағат 22:41

Саран қаласында белгісіз біреулер саябақтағы ескі танк көлігіне «Z» таңбасын салып кеткен

Желі қолданушысы сонымен қоса соғысты еске салатын, насихаттайтын танк, тағы да басқа ескерткіштерді еліміздің барлық саябағынан алып тастауды ұсынады.
Саран қаласында белгісіз біреулер саябақтағы ескі танк көлігіне «Z» таңбасын салып кеткен
Фото: ашық дереккөз
Бөлісу
Бөлісу
Бөлісу

Фотосуреттерді алғаш болып Айсұлтан Жақыпов есімді желі қолданушысы жариялады. Ол Саранда "соғысқұмар, сатқын жандар қыбырлай бастағанын" жазады, деп хабарлайды Skifnews.kz.

"Мынау бүгін түсірілген фото. Маңайдағы камералар "істемей" қалуы да мүмкін. Ондай жағдайда қазақтан кешірімді кім сұрайды? Саран қаласының әкімі сұрайтын шығар. Менің ұсынысым мына бұзақыны табу әрі заңи тұрғыда жазалау, реті келсе көзін мөлитіп соттау", - дейді Жақыпов Facebook-тегі парақшасында.

Желі қолданушысы сонымен қоса соғысты еске салатын, насихаттайтын танк, тағы да басқа ескерткіштерді еліміздің барлық саябағынан алып тастауды ұсынады.

"Біздің облыста менің білетінім —Балқашта, осы Саранда бар", - дейді ол.

Жазба астында жазылған пікірлердің көбі бұл әрекетке барған адамдарды сынайды.

"Бұл адамдар сонда соғыстың қасірет екенін түсінбейме?", "Жазалансын!", "Іштен шыққан жау жаман" деп жазған оқырмандар.

Бұл оқиғаға қатысты Саран қаласының әкімдігі пікір білдірді. Әкімдік өз мәлімдесінде жазулар боялып, қалпына келтірілгенін айтқан.
Полиция тергеумен айналысып жатыр деген әкімдік қырағылығы үшін жергілікті тұрғындарға алғыс айтуды да естен шығармаған.

Айта кетейік, Украинаға басып кірген орыс әскерлері өз әскери техникаларында "Z" және "V" таңбаларын пайдаланады.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар