Жаңалықтар 02.09.2022 сағат 09:20

Шығыс Қазақстанда терезеден оқ атқан бұрынғы полицей сотталды

Ол екі азаматты жаралады.
Шығыс Қазақстанда терезеден оқ атқан бұрынғы полицей сотталды
Бөлісу
Бөлісу
Бөлісу

Шығыс Қазақстан облысы Риддер қаласында пәтер терезесінен оқ атып, адамдарды жаралаған бұрынғы полицейге қатысты сот үкімі шықты, деп хабарлайды Stan.kz ақпарат агенттігі. 

ШҚО Полиция департаменті баспасөз қызметінің мәліметінше, Риддерде мас күйде болған ер адам пневматикалық атыс қаруымен пәтерінің терезесінен көшедегі адамдарға оқ атқан.

Ол екі азаматты жаралады. Ер адамды жедел келіп жеткен тәртіп сақшылары тоқтатты. Белгілі болғандай, қала тұрғыны бұрын полиция қызметкері болған.

"Қалалық әкімшілік соттың шешімімен азамат ҚР ӘҚБтК-нің 434-бабы 1-бөлігімен "Ұсақ бұзақылық" бойынша әкімшілік жауапқа тартылды. Сот жәбірленушілердің ауыр жарақат алмағанын, айыпталушының осыған дейін сотты болмағанын ескерді. Ол 15 900 теңге айыппұл төлейді. Ер адамнан пневматикалық мылтық тәркіленді", – делінген ақпаратта.

Еске салайық, Риддерде бұрынғы полиция қызметкері адамдарға оқ жаудырып, екі адам жарақат алған еді. 

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар