Жаңалықтар 11.09.2022 сағат 09:46

Павлодарда суға батып кеткен футболшының денесі табылды

Футбол командасының жаттықтырушысы досымен балық аулап жүріп, жардан құлаған.
Павлодарда суға батып кеткен футболшының денесі табылды
Бөлісу
Бөлісу
Бөлісу

Павлодарда Ертіске батып кеткен футбол жаттықтырушысы Роман Богдановтың денесі алтыншы күні табылды, - деп хабарлайды Tengrinews.kz.

"Поисковики Павлодара "Vita" қоғамдық бірлестігінің еріктілері мәліметінше, 27 жастағы павлодарлық футболшы Роман Богдановтың денесі қайтыс болған жерінен бір шақырым жерде табылған. Құтқарушылардың айтуынша, футбол командасының жаттықтырушысы досымен балық аулап жүріп, жардан құлаған. Ер адам бірден суға батып кеткен. Ол құлаған жерде су тереңдігі шамамен 12 метрге жетеді. Футболшының досы оған ешқандай көмек көрсете алмаған, өйткені жүзе алмаған.

"Құтқарушылар, полиция қызметкерлері, туыстары, достары, еріктілер Романды іздеді. Біз ол балық аулаған жерде өзенді бірнеше рет тексердік. Тек бүгін, алтыншы күні оның денесі су бетіне шығып, кездейсоқ табылды. Марқұмның туған-туыстары мен жақындарына қайғырып көңіл айтамыз", - дейді "Поисковики города Павлодара "Vita" қоғамдық бірлестігінің жетекшісі Екатерина Кудрявцева.

Павлодар облысының Төтенше жағдайлар департаменті марқұмның табылғанын растады.

"Ертістегі Кенжекөл ауылы ауданында 10 қыркүйекте сағат 16.53-те ТЖД қызметкерлері 5 қыркүйекте суға батып кеткен 1995 жылы туған ер адамның денесін судан алып шықты", - деді облыстық ТЖД өкілі.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар