Жаңалықтар 12.09.2022 сағат 10:40

«Головкиннің көзімен»: DAZN Канело-Головкин жекпе-жегіне қатысты ВИДЕО жариялады

Оның тәжірибесі бұрынғы қарсыластарымнан әлдеқайда жақсы. Оның шеберлігі, жылдамдығы, күші басқа қарсыластардан ерекше.
Бөлісу
Бөлісу
Бөлісу

DAZN стриминг қызметі Геннадий Головкиннің көзімен Сауль Канело Альвареспен өткен алғашқы жекпе-жекті көрсетті, - деп хабарлайды Tengrinews.kz.

Бұл жекпе-жек 2017 жылдың қыркүйегінде Лас-Вегаста өтті. Головкиннің карьерасында алғашқы жекпе-жегі тепе тең аяқталды.

"Бұл жекпе-жекте жеңіс үшін жеткілікті күш жұмсалғанына сенімдімін", - дейді Головкин видеода.

GGG Канеломен спарринг өткізгенін есіне алды: "Бірге бірнеше жаттығу жиындарын өткіздік. Бұл бұрын болған. Ол да, мен де басқа боксшылар едік. Бір-бірімізбен спаринг жасап, тәжірибе бөлістік. Ол кезде ол қазіргідей емес еді".

Ол сол жекпе-жек алдында не сезінгенін айтты. "Лас-Вегастағы T-Mobile аренасына алғашқы үлкен жекпе-жекке бара жатқандай сезіндім. Мен сенімді болдым және бүкіл ойымды жекпе-жекке бөлдім", - дейді қазақстандық.

"Ол жетілген және тәжірибелі бола түскен. Ол спортшы ретінде жетіліп, өскен", - дейді Головкин Канело туралы.

"Бұл жекпе-жекте IQ төмен немесе деңгейі төмен боксшы болған жоқ", - дейді қазақстандық.

Головкин жекпе-жек барысы туралы да айтқан. "Алғашқы раундтарда қарсыластың тактикасына қарайсың. Онда көбірек ақпарат бар. Мен оның не ойлағанын түсіндім: бірінші раундтардан кейін бәрі анық болды. Ол таңғалдырған жоқ. Ең қызығы жекпе-жектің ортасында басталды. Өзіміздің мықты жақтарымыз бен мүмкіндіктерімізді аша бастадық", - дейді GGG.

Головкин Канелоны басқа қарсыластармен салыстырды. "Оның тәжірибесі бұрынғы қарсыластарымнан әлдеқайда жақсы. Оның шеберлігі, жылдамдығы, күші басқа қарсыластардан ерекше", - деп есептейді қазақстандық.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар