Жаңалықтар 12.09.2022 сағат 21:00

Air Astana әуе компаниясына 3 млн теңгеден астам айыппұл салынды

Рейстің кешігуі кезінде жолаушыларға қолданыстағы заңнамада қарастырылған қызметтер ұсынылмаған.
Air Astana әуе компаниясына 3 млн теңгеден астам айыппұл салынды
Фото: ашықдереккөзден
Бөлісу
Бөлісу
Бөлісу

 «Air Astana» әуе компаниясына биыл жетінші рет айыппұл салынды, деп хабарлайды ҚазАқпарат ҚР Индустрия және инфрақұрылымдық даму министрлігінің Азаматтық авиация комитетіне сілтеме жасап.

«2022 жылғы 16 шілдеде «Air Astana» әуе компаниясының «Алматы – Нұр-Сұлтан» бағыты бойынша КС-853 рейсі резервтік ұшу экипажын күту себебінен 27 сағат 21 минутқа кешіктірілгені анықталды. Рейстің кешігуі кезінде жолаушыларға қолданыстағы заңнамада қарастырылған қызметтер ұсынылмаған. Атап айтқанда қонақүйде тұру. Осы орайда рейстің кешігуі кезінде жолаушылардың құқығын бұзғаны үшін биыл 6 қыркүйекте «Air Astana» әуе компаниясына 1 000 АЕК (3 063 000 теңге) көлемінде айыппұл салынды», - делінген хабарламада.

Ақпаратта айтылғандай, аталған әуе компаниясы биыл осымен жетінші рет айыппұл арқалап отыр.

«Биыл шілде айынан бастап «Air Astana» әуе компаниясына (құрылымдық бөлімшесі «Fly Arystan» әуекомпаниясы) қатысты жалпы сомасы 7 000 АЕК (21 441 000 теңге) көлемінде жеті рет айыппұл салынды», - деп хабарлайды ведомстводан.

Азаматтық авиация комитетінің мәліметінше, биыл шілдеден бері жалпы қазақстандық әуе компанияларға 8 000 АЕК (24 504 000 теңге) көлемінде 8 рет айыппұл салынып, әкімшілік жауапқа тартылды.

«Азаматтық авиация комитеті жүргізіліп жатқан жұмыс барысында Қазақстан Республикасының қолданыстағы заңнамасының жолаушылар құқығын сақтау бөлігіндегі талаптарды ұстанады. Тасымалдаушылар тарапынан құқық бұзушылық фактілері қайталап анықталған жағдайда, тиісті шаралар қабылданатын болады», - дейді комитеттен.

Еске салсақ, биыл шілде де Air Astana әуекомпаниясы рейсті кешіктіріп, жолаушылар құқығын бұзғаны үшін 9 млн теңге айыппұл төлеген еді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар