Жаңалықтар 20.09.2022 сағат 15:40

«Нұрсұлтанның аурасы халық үшін тым ауыр»: Саясаттанушы Елбасының құрметіне аталған барлық орындардың атын өзгерту керек дейді

Бұл жөнінде ол "Сұрауы бар" Youtube арнасына берген сұхбатында айтты.
«Нұрсұлтанның аурасы халық үшін тым ауыр»: Саясаттанушы Елбасының құрметіне аталған барлық орындардың атын өзгерту керек дейді
фото: ашық дереккөз
Бөлісу
Бөлісу
Бөлісу

Саясаттанушы Құттықадам Сейдахмет Елбасының есімімен аталатын ірілі-ұсақ барлық орындардың атын ауыстыру керек екенін айтады деп хабарлайды Oinet.kz тілшісі. Бұл жөнінде ол "Сұрауы бар" Youtube арнасына берген сұхбатында айтты.

Нұрсұлтанның атынан таза арылу қажеттігін жеткізген саясаттанушы мектептердегі, көшелердегі сондай-ақ әуежайдағы тұңғыш президенттің есімдерін алып тастауды ұсынды.

"Әсіресе НИШ (Назарбаев атындағы зияткерлік мектеп – Ред.) секілді зияткерлік мектептер, олардың да атын өзгерту керек. Себебі, Нұрсұлтанның аурасы халық үшін тым ауыр. Ол заманды ұмытуымыз керек. Себебі оның аты аталып тұрса, әсіресе әуежайға келген кезде елдің барлығы баяғы Нұрсұлтан заманы әлі де жалғасып жатыр екен ғой деп ойлайды", - деді ол.

Құттықадам Назарбаев атындағы зияткерлік мектептерге керісінше Қаныш Сәтбаевтың атын беруді ұсынды.

"Назарбаев бүкіл біздің білімге қарсы жұмыс жасады ғой. Академияны жауып тастап, тас-талқанын шығарды. Қалай біз оған сондай мектептердің атын береміз?! Менің ойымша, оның орнына біздің осы академияны құрған, әлемдік деңгейдегі ғалым Сәтбаевтың атымен атауымыз керек. Соның құрған академиясын Нұрсұлтан тас-талқан етті", - деп қосты ол тұңғыш президентті айыптап.

Сондай-ақ саясаттанушы Назарбаевтың есімін барлық жерден алып тастасақ елімізде басқа аура орнайтынын да жеткізді.

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар