Жаңалықтар 02.10.2022 сағат 03:34

«Бір облысты шетелге беру туралы жалған ақпарат авторына қылмыстық іс қозғалды» – Бас Прокуратура

Аталған сепаратистік шақырулар фактісі бойынша 5 жылдан 10 жылға дейін бас бостандығынан айыру көзделген.
«Бір облысты шетелге беру туралы жалған ақпарат авторына қылмыстық іс қозғалды» – Бас Прокуратура
Бөлісу
Бөлісу
Бөлісу

Әлеуметтік желі қолданушысы Қазақстанның бір облысын шет мемлекеттің пайдасына береді деген жалған материал жариялаған. Аталған жайтқа қатысты еліміздің Бас Прокуратурасы ресми түсінік берді, деп хабарлайды ҚазАқпарат аталған ведомствоға сілтеме жасап.

«Анонимді телеграм арналардың бірінде Қазақстанның бір облысын басқа елдің пайдасына иеліктен шығару туралы үндеу қамтылған арандатушылық материал жарияланды. Материалдың авторы анықталды. Ол Қазақстанға келген шетелдіктердің қатарына жатпайды. Қазіргі уақытта алыс шетелдің бірінде тұрады. Бұл сырттан бағытталған жоспарлы және мақсатты акция. Оның нысаны - Қазақстандағы жағдайды тұрақсыздандыру», - деді ҚР Прокуратурасының өкілі Серік Әділкенұлы. 

Оның айтуынша, желіде жарияланған материалдың мазмұны жалған ақпарат таратып, ұлттық араздықты қоздыру мақсатын көздейді. 

«Материалда көрсетілген әрекеттер ҚР Қылмыстық кодексінің 174-і, 180-і және 274-і бабы бойынша қылмыстық жауапкершілік пен жазаға әкеліп соғады. Аталған сепаратистік шақырулар фактісі бойынша 5 жылдан 10 жылға дейін бас бостандығынан айыруды көздейтін ҚР Қылмыстық кодексінің 180-і бабының 2-бөлігі бойынша қылмыстық іс қозғалды. Осыған байланысты азаматтарды арандатушылыққа берілмеуге шақырамыз. Осы секілді материалдар мен үндеулерді жариялап, таратушылар қатаң қылмыстық жауапкершілікке тартылатынын назарға саламыз», - дейді ол.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар