Жаңалықтар 08.10.2022 сағат 09:20

Елордалық оқушылар уақытша қашықтан оқиды

Қашықтан оқыту әдісі оқушыларға таңсық емес.
Елордалық оқушылар уақытша қашықтан оқиды
Бөлісу
Бөлісу
Бөлісу

13-14 қазанда елордалық оқушылар қашықтан оқыту форматына уақытша көшеді. Бұл туралы Астана қалалық білім басқармасы мәлім етті, деп хабарлайды Azattyq Rýhy. 

Басқарманың хабарлауынша, бұл күндері елордада мемлекет және Үкімет басшыларының қатысуымен халықаралық форумдар өтетін болғандықтан, қала жолдарының кейбір бөліктерінде көлік қозғалысы ішінара шектеледі. Мұндай тәжірибені көптеген елдер осы сияқты ірі шаралар өткізген кезде қолданады.

Оқушылар мен олардың ата-аналарына қолайлы болу үшін 13-14 қазанда қала мектептерінің бәрі меншік нысанына қарамастан, қашықтан оқыту форматына көше тұруы керек деген шешім қабылданды.

Әкімдік өкілдері оқушылар үшін сабақтың мұндай түрі таңсық емес екенін айтып отыр.

«Жалпы, қашықтан оқыту әдісі оқушыларға таңсық емес. Өйткені, қыста күн райы бұзылған кезде оқытудың осы форматы қолданылатын. Қала мектептері ондай сабақтар өткізуге қажетті компьютермен қамтамасыз етілгенін айта кету керек», - делінген хабарламада.
 

 

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар