Шу тұрғынынан 125 келі есірткі мен қару тәркіленді (ВИДЕО)

Шудың тұрғыны 15 жылға сотталуы мүмкін. Одан ірі мөлшерде есірткі заттары мен қару-жарақ тәркіленді, деп хабарлайды Polisia.kz.

Полицияға Шу ауданының Тарыайдаған құмды дала аймағында 51 жастағы ер адамның каннабис өсiмдiгiн жинап жүргені туралы жедел ақпарат түскен. Оны арнайы топ оны ұстады. Ал тексеріс кезінде жалпы салмағы 125 келi марихуана және 2 грамнан асатын гашиш тәркіленді.

Бұдан бөлек, оқпаны кесілген және оқталған 16 калибрлі атыс қаруы, оған қосымша 3 патрон және электрондық таразы табылды. Қазіргі кезде сот-баллистикалық сараптама жасалып жатыр.

Ұсталған адам кiнәсын мойындап отыр. Ол Шу қаласының уақытша ұстау изоляторына қамауға алынды. Қазіргі кезде Қылмыстық кодекстің 297-бабы 3-бөлігі ("Аса ірі мөлшерде есірткі заттарын өткізу мақсатында заңсыз сақтау") бойынша сотқа дейінгі тергеу шаралары басталды.
Осы қылмыс үшін он жылдан он бес жылға дейінгі мерзімге бас бостандығынан айыру жазасы қарастырылған. Кінәлі адамның мүлкі тәркіленеді.