ҚТЖ жоғарғы орындарды 20 пайызға арзандату туралы ойынан айнып қалды

Бұған дейін ұлттық тасымалдаушы 2022 жылдың 1 желтоқсанынан бастап кейбір коммерциялық пойыздардың вагондарында жоғарғы орындар 20 пайызға арзандайтыны хабарланған болатын.

Қазақстанда пойыздағы төменгі орындардың бағасы қымбаттамайтын болды, деп хабарлайды «Қазақстан темір жолы» компаниясының баспасөз қызметі.

«Жолаушылар тасымалы» бес коммерциялық пойыздың жоғарғы және төменгі орындарына жол жүру құнына сараланған тәсіл қолдану бойынша пилоттық жобаны жойды», - делінген хабарламада.