$ 444.14 € 477.05 ₽ 4.85
Әйгерім Шахман карантин кезінде жұбайымен бірге Қытай арқылы тауар бизнесімен айналысқан. Бизнесте тәлімгері мен кәсіби білімі болмаса да ару 50%-ын алдын-ала төлеген адамдардан тапсырыс ала отырып, сол ақшаға тауар сатып алады. Ол кезде Әйгерімнің қалтасында қаражаты болмапты. Бүгінде айына 43 миллион теңгеден астам табыс тауып отырған кәсіпкер қыз Динара Сәтжанға берген сұхбатында бизнесте қандай қиындықтарға тап болғанын айтып берді, деп хабарлайды Stan.kz.
Қазақстандық қыз "TaoBao" және "1688" сияқты қытайлық маркетплейстерден тапсырыс береді. Сонымен қатар, ол Wildberries жеткізуші қызметін атқарады. Сондай-ақ Instagram-да өз блогын дамытып, онда кәсіпкерлік тақырыбында авторлық курстар сатады. Айтуынша, мұның барлығы 43 млн теңгені құрайды.
Кәсіпкердің айтуынша, ол мансабының басында таза пайдасын интуитивті түрде жарнамаға берген. Яғни, танымал блогерлерге жарнама қызметін пайдаланады.
"Жарнаманы Дамелия Sweet-тің парақшасында жасадым. Сол кезде, 2019 жылы оның жарнамасы 80 мың теңгені тұратын. Енді ғана бастап жатқан маған ол үлкен ақша болды. Кейін мен бартерді (айырбастауды) ұсындым, ол келісті. Бұл маған өте тиімді болды. Көп ұзамай өте керемет жарнама жасады. Содан кейін менің сатылымым өсе бастады. Осыдан соң жүйенің қалай жұмыс істейтінін түсіндім және алғашқы 500 мың теңгемді таптым. Әрі қарай, қыркүйек айында Гүлсезім Хассен деген блогерге бартер ұсындым. Оның жарнамасынан кейінгі табыс 1 млн теңгені құрады", - дейді Әйгерім.
Пәтерге келетін болсақ, қыз алғашқы үйіне 2020 жылы, пандемия кезінде қаражат жинап үлгерген. Табыс өзінің интернет-дүкені арқылы келген. Осылайша ол екінші және үшінші пәтеріне де жинай алған. Кейін көлік сатып алған.
"Шын мәнінде, пандемия мен үшін үлкен мүмкіндік болды. Таңертеңнен кешке дейін Қазақстанға заттарды жеткізе алатын логистикалық компаниялар іздедім. Осылайша төрт айым табыссыз өтті. Сонымен қатар, сол кезде мен негізгі жұмысымнан бас тарттым. Қиын болды. Бірақ бір күні тасымалдаушылар таба алдым. Алайда оларды 40 күн күту керек болды. Бұл туралы өз клиенттеріме хабарладым. Таңқаларлығы олар да бұған келісе кетті. Сонымен қатар, мен алғашқы кірісті блогерлердің жарнамалауына жұмсадым. Өзім қалаған кезімде пост салып берулерін сұрадым. Кейін сол сәт ақыры туды. Тапсырыстарым келіп, блогерлермен жұмыс істедім. Солайша айына 5 млн теңге таба алдым", - дейді ару.
Бірнеше қиындықтар мен құлдырауларға кейін Әйгерім орнынан нық тұрып, жүйеде қалай жұмыс істеу керектігін ұғынып алады.
"Көп ұзамай пандемия аяқталып, мен нарыққа жаңа күшпен шықтым. Сонымен қатар, өз блогымды мұқият дамыта бастадым. Мен не жұмыс істейтінін және не істемейтінін түсіне алдым. Адамдар мұның бәрі қалай жұмыс істейтінін білгісі келді. Мен өз жолымды инвестициясыз бастағаныма көбісі сенбейтін. Осылайша өзімнің инфотоварымды сата бастадым. Әлі күнге дейін сұраныстан түскен емес. Менде тұрақты табыс әкелетін бірнеше интернет-дүкендер бар. Wildberries-те қалай табысқа шығудың қыр-сырларын білемін. Ол жерде де жоғары сатылымдар мен жоғары пайыздар бар", - дейді Әйгерім.
Қазір Әйгерім күйеуімен бірге өздерін жылжымайтын мүлік саудасымен сынап көрмек. Жоспарлары – пәтер сатып алып, оларға жөндеу жұмыстарын жүргізіп, өздері аз уақыт тұрып, сату. Сонымен қатар, жұмысына бұрынғыдай көп күш жұмсамайтынын айтады. Өйткені қазір оның үлкен командасы бар.
Бұрын жастар өздерінің осылай табысқа жететіндерін елестете алмаған. Қазір еңбекқорлығының арқасында жылына бірнеше рет саяхаттауды мақсат етіп отыр.
Сонымен қатар, видео астындағы пікір қалдырған желі қолданушылары кәсіпкердің қызметін қолдайтындар және оны “инфоцыган” деп санайтындар болып екіге бөлінді.
"Жарайсың қыз. Көздері жанып тұр. Оған өз бизнесі ұнайды. Бұл оның таланты. Ақылды қыз. Күйеуінің қазынасы. Сәттілік!”, “Динара, неге “инстацыгандардан” сұхбат алу арқылы өз беделін түсіріп жүрсіз. Миллион жұртшылық одан ештеңе үйренбегеніне шағымданып жүр. Ал денсаулығы бойынша біреу курсына қатыса алмаса олар ақшаны қайтармайды. Қандай тауарлары арқылы миллион тауып жүр? Бұл қандай сандырақ? Әлде атып алынған сұхбат па? Бұдан басқа да қызықты кейіпкерлер бар ғой, неге бұндай адамдардан сұхбат аласыз”, – деген секілді пікірлерін жаудырды.
