$ 448.15  483.46  4.86

«Өзін кінәлі етіп көрсеткісі келеді»: Батыс Қазақстанда кісі қолынан қаза болған полицейге қатысты тың деректер шықты

Мирханның артында әпкелері, анасы, әкесі, әйелі және төрт, екі жастағы екі балалары қалды. Отбасы қайғыдан қан жұтып отыр.

БҚО-да қаза болған бұрынғы полиция қызметкерін жерлеу рәсімі 29 қазанда өтті. Марқұм Мирхан Хамзиннің әпкесі Гүлфайруз қайғылы оқиғаның қалай болғанын айтып берді, деп хабарлайды Мой город басылымы.

“Сол күні інім досына моншаға кетті. Сол жерде отырып жуынып, шыққан. Досының ауласында такси күтіп тұрғанда оған бейтаныс мас ер адам жақындап, терезесін қақты ма деп сұрай бастаған. Мирхан терезені қаққан жоқпын десе де, әлгі адам ұрсыса бастаған. Содан кейін ол кетіп, қолына пышақ алып келген, онымен ары бері сілтей бастаған. Ішімдік ішкен жігітті тыныштандыруға інімнің қасында тұрған досы, досының күйеу баласы атсалысқан. Бірақ ол пышақты сермеп, қорқыта берген, сосын оларға шабуыл жасаған. Інім одан пышақты алмақ болған. Ол төбелесте құлап, қайта орнынан тұрып, жүрегіне пышақ сұғып алған.

Әлеуметтік желідегі пікірлерді оқып жатсақ, бәрі не болды деп сұрап жатыр. Сондықтан әркім шындықты білсін. Қазір тергеу амалдары жүріп жатыр және күдіктінің адвокаты қазірдің өзінде істі кісі өлімінен өзін-өзі қорғауға ауыстыруға тырысып жатыр”, – дейді марқұмның әпкесі жылап.

Мирханның артында әпкелері, анасы, әкесі, әйелі және төрт және екі жастағы екі балалары қалды. Отбасы қайғыдан қан жұтып отыр.

“Ол біздің тірегіміз, қорғанышымыз болды. Ол жарқын адам еді. Оның достары көп, оны бәрі таниды. Оны соңғы сапарға шығарып салуға басқа қалалардан сыныптастары, достары, таныстары, туыстары 400-дей адам келді. Ол қызметтен отбасылық себептермен кеткен. Енді ол біздің жүрегімізде мәңгі сақталады. Бұл қайғыны қалай жеңілдетуге болады? Оны бізге кім қайтарады? Енді күдікті оны кінәлі етіп көрсеткісі келеді, қалайша? Ер адамның өмірін қиған бұл кісінің санасы қайда?” – деді Гүлфайруз.

Еске салайық, оқиға 26 қазан күні түнгі сағат бірде Ақжайық ауданы Чапаево ауылында болған. Одан кейін БҚО полиция департаменті 51 жастағы күдікті жанжал кезінде бұрынғы полицейдің жүрегіне пышақ сұғып алғанын хабарлады. 26 жастағы ер адам Ақжайық ауданының орталық ауруханасына жетпей қайтыс болды.

ҚР Қылмыстық кодексінің 99-бабының 1-бөлігі "Адам өлтіру" бойынша сотқа дейінгі тергеу амалдары жүргізілуде. Марқұм бұрын ішкі істер органдарында Ақжайық аудандық полиция бөлімінің анықтаушы болып жұмыс істеген.

28 қазанда Ақжайық аудандық тергеу соты күдіктіні екі айға қамауға алуға санкция берді.

Сіздің реакцияңыз?
Ұнайды 0
Ұнамайды 0
Күлкілі 0
Ашулы 0

Серіктес жаңалықтары