Қаңтардан бастап Қазақстанға келген шетелдіктер туристік жарна төлеуге міндетті

Ел Үкіметінің 2021 жылғы 5 қарашадағы қаулысына сәйкес, 2023 жылдың 1 қаңтарынан бастап шетелдіктерден туристік жарна алынады.

«Шетелдіктер үшін туристік жарна туристерден қалалар мен аудандардағы хостелдерді, қонақжайларды, жалға берілетін тұрғын үйлерді қоспағанда, туристерді орналастыру орындарында болатын әрбір тәулік үшін алынады», делінген Үкімет қаулысында.

Туристтер келетін орындарда шетелдіктерден алынатын жарналарға мына мөлшерлемелер қолданылады:

- 2022 жылғы 1 қаңтардан бастап 31 желтоқсанды қоса алғанда – тұру құнының 0%-ы;

- 2023 жылғы 1 қаңтардан бастап – тұру құнының 5%-дан аспайтын мөлшері.

Қаулыға сай, туристік жарна мөлшерлемесін жергілікті атқарушы органдар белгілейді. Сәйкесінше, қаражат жергілікті бюджетке түседі. Бұл ретте туристік алым сомасы өмір сүру құнына қосылмайды.

2023 жылдың 1 қаңтарынан бастап шетелдіктер үшін мынадай тарифтер қолданылмақ:

- Астана қаласы - 5%;

- Шу ауданы (Жамбыл облысы) - 0%;

- Ордабасы ауданы (Түркістан облысы) - 0%;

- Жетісай ауданы (Түркістан облысы) - 0%;

- Сарыағаш ауданы (Түркістан облысы) - 0%;

- Шардара ауданы (Түркістан облысы) - 5%;

- Рудный қаласы (Қостанай облысы) - 5%;

- Қарабалық ауданы (Қостанай облысы) - 1%.

Шетелдіктер үшін қойылатын жарна мөлшерлемесі ағымдағы статистикалық деректерге немесе маусымға байланысты сараланады. Яғни, туристер қонақ үйде жарты күн тұрса, туристiк алым толық күнге алынады.

Туристік алымды туроператорлар шетелдік туристерді орналастыру орындарында тіркеу кезінде олардың жеке басын куәландыратын құжаттарды көрсеткен кезде алады. Қонақ үй қызметкерлері мен туроператорлар туристерге әрбір күн үшін туристік жарна алынатынын ескертуі тиіс. Оны төлеген шетелдік азаматқа жарнаны өтегенін растайтын анықтама беріледі.