Азия чемпионаты: Назым Қызайбай 1/4 финалына өтті

Иорданияның Амман қаласында бокстан өтіп жатқан Азия чемпионатында Назым Қызайбай алғашқы жеңісіне қол жеткізді.

Екі дүркін әлем чемпионы Н.Қызайбай 50 келіге дейінгі салмақта таиландтық Раксат Чутхаматпен жұдырықтасты.

Жекпе-жек өте тартысты өтіп, төрешілер жеңісті 3:2 есебімен қазақстандық боксшыға берді.

Осылайша, Назым ширек финалға жолдама алды.

Азия біріншілігінде әйелдер арасында, сондай-ақ Алуа Балқыбекова (48 кг), Жазира Орақбаева (52 кг), Жайна Шекербекова (54 кг), Карина Ибрагимова (57 кг), Римма Волосенко (60 кг), Аида Әбікеева (63 кг), Мәдина Нұршаева (66 кг), Дариға Шәкімова (70 кг), Валентина Хальзова (75 кг), Гүлсая Ержан (81 кг) және Ләззат Күнгейбаева (+81 кг) ел намысын қорғайды.

Еске сала кетейік, бұдан бұрын бокстан Азия чемпионатын Серік Теміржановтың жеңіспен бастағанын, Сәкен Бибосыновтың бастапқы кездесуін сәтті өткізгенін жазған болатынбыз.

ҚазАқпарат