Алматыда құрылысы жүріп жатқан тұрғын үй кешендерінің бірінде өрт шықты, деп хабарлайды ҚазАқпарат.
Өрттің видеосы әлеуметтік желіде тарады. «Алматыда «Абай-Масаншы» көшелерінің қиылысында салынып жатқан «Miracle» тұрғын үй кешені өртеніп жатыр», - делінген жазбада.
Қалалық төтенше жағдайлар департаментінің мәліметінше, өрт сөндірушілер аталған мекенжайда жұмыс істеп жатыр.
«Өрт 15:13 ауыздықталды. Алдын ала мәлімет бойынша қызыл жалын 30 шаршы метр жерді шарпыған», - деп хабарлады қалалық Төтенше жағдайлар департаментінен.