Жаңалықтар 26.11.2022 сағат 20:20

Алматы облысында көлік қаққан үш бала ауыр халде жатыр

Естеріңізге сала кетсек, Алматы облысында республикалық маңызы бар Алматы-Өскемен тас жолында болған жол апатынан 9-10 жастағы 5 бала зардап шекті.
Алматы облысында көлік қаққан үш бала ауыр халде жатыр
Бөлісу
Бөлісу
Бөлісу

25 қарашада Lexus автокөлігі 5 оқушыны қағып кетті. Дәрігерлер балалардың жағдайы туралы мәлімет берді, деп хабарлайды Sputnik Қазақстан.

Денсаулық сақтау басқармасының мәліметінше, 9,10, 12 жастағы үш баланың жағдайы ауыр, бір баланың жағдайы орташа ауырлықта.

Алматы облыстық денсаулық сақтау басқармасының басшысы Өмірзақ Ниязбеков Алматы аймақтық балалар клиникалық ауруханасына барып, жол апатынан зардап шеккен балалардың жағдайымен танысты.

"Бүгінгі таңда жол апатынан зардап шеккен үш баланың жағдайы ауыр. Жан сақтау бөлімінде ем қабылдап жатыр. 13 жастағы қыз баланың жағдайы орташа ауырлықта. Ол аурухананың травматология бөлімінде емделіп жатыр. Балалар басқарма тарапынан бақылауға алынып, оларға барлық қажетті мециналық көмек көрсетілуде. Аурухана қажетті дәрі-дәрмекпен қамтамасыз етілген. Дәрігерлер қолдан келгенше балаларды аман алып қалуға тырысып жатыр", - деді басқарма басшысы Өмірзақ Ниязбекұлы.

Естеріңізге сала кетсек, Алматы облысында республикалық маңызы бар Алматы-Өскемен тас жолында болған жол апатынан 9-10 жастағы 5 бала зардап шекті. Оқушылар жаяу жүргінші белгісі жоқ жерден жолды кесіп өтпек болған. Lexus көлігінің 28 жастағы жүргізушісі қатты жылдамдықпен келіп балаларды қаққан. Балалардың кейбірі бірнеше метрге ұшып кеткен. 4 оқушы Алматы аймақтық балалар клиникалық ауруханасына жеткізілді. 1 оқушыға оқиға орнында медициналық көмек көрсетілді.

Оқи отырыңыз

загрузка...

Соңғы жаңалықтар

Аптасына бір рет ең танымал мақалалардың дайджесін жібереміз

Қызықты материалдар