Синоптиктер 6-8 желтоқсан аралығында еліміздің басым бөлігінде аяз болатынын хабарлады.
"Қазгидромет" мекемесінің мәліметінше, алдағы үш тәулікте республиканың басым бөлігі жоғары атмосфералық қысым өрісінің ықпалында болады, осыған байланысты ашық, аязды, негізінен жауын-шашынсыз ауа райы сақталады.
6 желтоқсанда түнде Қарағандыда, 7-8 желтоқсанда Шығыс Қазақстан облыстарында 35 градусқа дейін аяз күтілуде.
Республиканың оңтүстігінде, оңтүстік-шығысында атмосфералық фронттардың әсерінен қар жауып, тұман түседі, оңтүстікте көктайғақ болады.