Тергеуді заңсыз деп санаймыз - «Яндекс Go» такси бағасын тексеру туралы

"Яндекс Go" компаниясы сот тарифтерді жасанды өсірді деген күдікпен компанияға қатысты тергеу жүргізуді заңсыз деп танығанын хабарлады, - деп хабарлайды Tengrinews.kz.

"Сот біздің ұстанымымызды қолдап, Бәсекелестікті қорғау және дамыту агенттігі департаментінің осы кезеңнің көп бөлігіне қатысты жүргізген тергеуін заңсыз деп таныды. Сонымен қатар, біз тергеуді бастау жалпы заңсыз деп санаймыз және бұл ұстанымды жоғары инстанцияларда дәйекті түрде қорғаймыз", - делінген компания хабарламасында.

Еске салайық, БҚДА қызметке қатысты нарықтағы үстем жағдайын теріс пайдаланып, тарифтерді жасанды түрде арттырды деп күдіктенген болатын. Қыркүйекте алматылықтар Яндекс.Такси қызметінің қымбаттығына шағымданған еді.